Bakit Sikat ang ComShops?

Mayaman ka man o hindi, imposibleng hindi ka pa nakakakita ng computer shops lalung-lalo na dito sa Metro Manila. Halos sa lahat ng kanto ng mga barangay ay may computer shops. Isa na sa pinakamalalaking dahilan kung bakit sikat ang computer shops ay dahil hindi karamihan sa mga Pilipino ay may computer sa bahay o kahit anong teknolohiya kung saan pwede mong gawin ang mga simpleng bagay kagaya ng pagfe-facebook at pagre—esearch para sa mga assignment. Pero, marami pang ibang dahilan kung bakit marami ang tumatangkilik sa mga computer shops.

1. Mura

Nung unang sumikat ang mga computer shops, P15 pa ang bayad noon sa isang oras at bilang promo ay P25 naman kapag dalawang oras. Ganito ang presyuhan ng mga computer shops dahil iilan lang naman ang mga computer shops noon. Pero, nang dumami na ang mg aka-kumpetensya at umusbong na ang mga cellphone at pisonet, ibinaba nila ang bayad sa P10 kada oras. Kung iisipin parang mas makatitipid ka dito dahil imbis na kumunsyumo ka ng pang isang oras na baterya ng laptop/computer at isang oras na nakasaksak ang internet ay magbabayad ka na lang ng P10 para sa isang oras sa computer shops.

2. Kumpleto

Kadalasan, kumpleto ang mga computer shops sa hanap mo. Mula skype para sa mga nakikipag-usap sa kano hanggang sa mga nagdo-DOTA hanggang sa pinakalatest na version ng Microsoft office ay meron sila. Kumbaga, kung may gusto kang laruing laro pero alam mong pagsasawaan mo lang at nababagot kang hintayin ang napakatagal na pagda-download, mas mabuti nang mga computer shop ka na lang.

3. Barkada

Hindi kumpleto ang paglalaro ng DOTA o kung anumang online game kung hindi kasama ang barkada. Hindi rin naman kayo pwedeng mag-DOTA sa iisang lugar kaya ang ginagawa ng mga magkakaibigan ay pumupunta sa computer shops para rumenta at doon sila maglalaro. ( Sila yung mga maiingay at nagmumurahan sa loob ng com shops. )

4. Mabilis

Hindi naman pwedeng mabagal ang internet ng isang computer shop dahil paniguradong madi-disappoint ang mga rumerenta. Kaya nga ina-avail minsan ng mga may-ari ang pinakamabilis na plan sa mga internet upang kayanin ang maraming PC na gumagamit ng internet ng sabay-sabay.

5. Malaya

Bukod sa mga taong nasa palagid mo na titingin-tingin sa monitor mo, wala ng iba pang makakaalam sa ginagawa mo. Ibig sabihin, hindi malalaman ng nanay mo kung nakikipag-usap ka man sa girlfriend/boyfriend mo. Pwede mo ring gamitin yung computer sa mga com shops nang hindi nalalaman ang IP address dahil karmihan ngayon sa mga computer shops ay naka-hide na ang IP Address.

Hindi lang ito ang mga dahilan kung bakit patok sa mga pinoy ang com shops pero kahit ano pa man ang dahilan darating at darating ang punto sa buhay mo na rerenta ka sa comshop sa ayaw mo man o sa gusto.